微辣大排檔 (Closed)

野食方面都唔錯，個冰鎮素咕嚕肉外皮夠脆，我係食完先知佢係素，所以真係好似肉。Yelo 咖喱好有街頭風味少少辣，裡面有豬皮白魚蛋籮蔔鮮魷，豬皮同魚蛋夠爽，鮮魷都好食。個米酒雞個蓋超得意！店員喺蓋邊淋酒點火，觀賞度高。打開煲蓋勁香酒味同荷葉味，用爐熱住食，荷葉底有蔥蒜仲有頭先淋嘅酒演變成嘅濃汁，撈飯超好食。雞肉裡面藏左d齋菜，吸哂精華好正！最後食個雪糕格仔餅，賣相同味道ok，係真抹茶味嘅雪糕，一冷一熱唔錯。話題餐廳唔食過真係搭唔到咀，d裝修、餐牌、餸名都勁攪鬼。攪鬼得黎又正正經經播返佢地嘅歌，夠young而且貫徹返佢地嘅風格。