Lardos Steak House (Closed)

有天中午同事忽然說起想食西餐，想起這裡的羊架不錯，所以便推介過來一嘗，因已不是第一次幫襯知道經常滿座所以先打來訂位。之後有位男仔聽，佢話無咁快有位叫我一小時後到。ok,到大概時間我就和同事坐的士到了…誰不知…一入門口有個女侍應走出黎同我講話今日full booking...我話我訂左位，跟住佢同我講話無收過booking...話我打錯電話唔係呢間，還好我是用手提打來預訂的所以便拿電話出來對質…而我發現整間餐廳只有一位男職員所以我就捉左佢出黎…起初果位男同事係唔承認接過我電話，但到後來佢又話我只係留左名同時間無留電話所以唔算booking.大佬呀你又無問我咪無留囉，唔通咁都係我錯？而且當時其實入面係有幾張吉枱，佢話全部有人叫我如果係食就出門口等…佢話佢地好忙真係激死我，但我大拿拿坐左六十幾蚊的士來點都想食，好我等…一等就三十分鐘…而果兩張吉枱依然無人座…而佢地亦無出過黎問候我？最終走左去旁邊大排檔食，坐百幾蚊的士黎食大排檔…比人拒諸門外…以後就算免費都唔會食囉，不知所謂，唔好意思都無句