Video
Read full review
2017-06-30
136 views
週二晚去到呢間餐廳食飯，餐廳位於彩鴻酒店1樓，上一層樓梯就見到，企喺樓梯口望入去就不怎麼樣，有一個整齊嘅酒櫃，感覺係比較舊式嘅西餐廳。近門口位置就係水吧，隱約望入去都可以見到廚房部分。位置都幾多，空間感足，但由於正值晚飯時間，客人不少。唔想影到其他客人入鏡，所以我都係襯十點零鐘離開時先影到餐廳環境。甫坐低已經聽到有位駐場叔叔唱歌，是夜我都聽左好幾首披頭四，呀仲有，應該在場有客人生日，我聽左3次生日歌 (笑)，客人以中年為主，所以一路聽歌都好投入，氣氛係相當唔錯，好輕鬆咁食左餐飯。而且店員都好有禮，主動為客人影相、點蠟燭，有求必應，而且同客人都有講有笑。餐牌選擇唔算好多，前菜、生蠔、湯、沙律、薄餅、肉類、意粉、意大利飯、甜品等，定價中上。一人餐有兩款，平啲嘅包括前菜、龍蝦湯、主菜 (2選1)，可以優惠價配甜品，連埋加一，人均都250蚊以上；另外一款$488/位，會多左生蠔、沙律、主菜 (選擇較多，7選1)、甜品、飲品。本來店員都有推介我地食生蠔，價錢就唔貴嘅，隱約記得佢話食一打可以送酒；但由於我唔食生蠔，以免男朋友要自己食哂一打，所以我地都冇點。加上係諗住黎隨便食個飯，冇打算喺度消費太高
近門口位置就係水吧，隱約望入去都可以見到廚房部分。
位置都幾多，空間感足，但由於正值晚飯時間，客人不少。唔想影到其他客人入鏡，所以我都係襯十點零鐘離開時先影到餐廳環境。
甫坐低已經聽到有位駐場叔叔唱歌，是夜我都聽左好幾首披頭四，呀仲有，應該在場有客人生日，我聽左3次生日歌 (笑)，客人以中年為主，所以一路聽歌都好投入，氣氛係相當唔錯，好輕鬆咁食左餐飯。而且店員都好有禮，主動為客人影相、點蠟燭，有求必應，而且同客人都有講有笑。
餐牌選擇唔算好多，前菜、生蠔、湯、沙律、薄餅、肉類、意粉、意大利飯、甜品等，定價中上。
一人餐有兩款，平啲嘅包括前菜、龍蝦湯、主菜 (2選1)，可以優惠價配甜品，連埋加一，人均都250蚊以上；另外一款$488/位，會多左生蠔、沙律、主菜 (選擇較多，7選1)、甜品、飲品。
本來店員都有推介我地食生蠔，價錢就唔貴嘅，隱約記得佢話食一打可以送酒；但由於我唔食生蠔，以免男朋友要自己食哂一打，所以我地都冇點。加上係諗住黎隨便食個飯，冇打算喺度消費太高，所以只係點左一個薄餅、意粉同甜品。
夏威夷薄餅 $140
薄餅一共10款，定價 $140-$180，我地揀嘅係非常普通嘅夏威夷薄餅，佢地嘅薄餅係即時製作，所以都等左一段時間。
薄餅上枱熱辣辣，餅邊焗至脆身，食落煙韌加上芝士、波蘿、煙肉呢啲材料，好難唔好食。
不過我地兩個分一個薄餅就會有少少飽滯，而相對咁普通嘅配料，薄餅定價都幾進取。
夏威夷薄餅
$140
1 views
0 likes
0 comments
純正意大利卡邦尼意粉 $168
正愁揀邊款意粉，斜對面張枱就點左呢個意粉，見幾過癮，有廚師會即場煮，決定跟風。
首先店員會推架餐車過黎，上面有一大舊芝士，然後就即場炒意粉，又出動火槍，都幾浮誇架，不過成功吸引都好多客人過黎影相 (笑)
餐牌標明用上意大利煙肉、36個月醃製芝士，一睇就知肥膩，好在我的字典裡冇減肥呢兩個字 (放棄治療)。
意粉軟硬適中，面頭灑上不少黑椒，主角芝士非常非常多，可算係我食過最多芝士嘅意粉，多到每啖都有芝士，芝士半溶狀態，味道濃郁，芝士控不能錯過。份量幾乎同意粉佔半，食到尾會有少少鞋口；而且見到牛油、芝士呢啲材料，食到接近碟底係有點油膩，兩個人食都有點勉強
貪得意點呢款意粉試下都唔錯，畢竟唔係好多機會可以試到，用上熟成芝士，加上有人即場做，都幾有誠意啦。
純正意大利卡邦尼意粉
$168
12 views
0 likes
0 comments
純正意大利卡邦尼意粉
$168
5 views
0 likes
0 comments
自家製意大利芝士餅 $48
店員極力推介下我地試埋tiramisu，話係餐廳招牌，平時食唔到呢種咁正宗嘅意大利味，確實係幾好食嘅，不過單點價格稍高，跟餐可以加錢配。
蛋糕濕潤軟綿，咖啡、可可粉、酒香層次分明，中間軟心，配合碟邊嘅朱古力醬，甜度適中，入口溶化，以呢個甜品作結都幾滿足
自家製意大利芝士餅
$48
7 views
0 likes
0 comments
總括而言，餐廳嘅食物中規中矩，驚喜欠奉，定價略高，只係氣氛真係唔錯，聽住歌食飯 (如果想靜靜地食飯，就幫你唔到)，相信特別受外國客人/中產歡迎。店員招呼搭夠，細心有禮，換碟、加水、餐紙一律好主動。
餐牌：
Post
