漁道樂 (Closed)

其實尖沙咀有好多好特色既日本餐廳，但係之前都無咩機會試，今次就去左【漁道樂】試下。餐廳係主打魚生、海鮮同居酒屋食物。 炸魷魚：熱辣辣，炸皮唔會太厚。個醬酸酸地好開胃。 海膽、三文魚籽、左口魚裙邊壽司：三款都好新鮮，尤其紫菜都係脆既。海膽唔會有腥味同苦味。三文魚籽鹹鹹香香。左口魚裙邊油脂豐富、炙燒左香味十足。 牡蠣天婦羅：算係分量好多，新鮮炸起熱辣辣、麵衣好脆。除左牡蠣仲有D蔬菜，牡蠣好肥美、有蠔味但係就會乾身少少，無爆汁。蔬菜好新鮮同juicy。 明太子玉子燒：鹹甜適中，明太子算好多、玉子燒鬆軟。 麻醬番茄豆腐沙律：沙律菜算好新鮮爽口、調味唔會太鹹，麻醬香口。 鮑魚、三文魚、金槍魚刺身：全部都好鮮甜，三文魚、金槍魚非常厚切。鮑魚非常爽口又鮮甜，推薦。 巨峰乳酸：乳酸味濃，但唔會太甜 檸檬燒酎：檸檬味清爽、酒味唔濃