Video
Read full review
2019-10-18
47 views
平日放工諗住搵個地方飲野 chill下，就上網搵到呢間餐廳。呢度4點至 9 點係 happy hour, 大部份野飲都有平，小食同主菜嗰 d都有 dinner package。咖喱蝦片仲係任添。小食: 韓式烤魷魚，食落好煙韌，又唔會太硬，聞落唔係太大陣烤魷魚味，反而食落就好香，點埋豉油同 wasabi 幾特別。西班牙蟹肉薯波，拮落去係爆餡嘅，仲係即叫即整熱辣辣。主菜 : 豚肉蕃茄乾忌廉汁意粉，平時食忌廉汁意粉最驚凍左會一舊舊，呢度嚟到仲出緊煙，蕃茄乾好出味，蕃茄同忌廉汁嘅味好夾。千島醬海鮮 pizza, 個 pizza皮烤得好脆，仲落左好多千島醬。飲品 : Green Desert, 好香青蘋果味，飲落仲有少少抹茶香。Purple Diamond, 黑莓味同酒嘅比例都啱啱好，女仔飲都好易入口。呢度牆上面嘅霓虹燈同塗鴉都係打卡位，仲有得篤波同玩 beer pong, 今晚就見到有人嚟開 party, 好有氣氛。另外，牆上面掛左差唔多 10部大電視，無論坐邊都睇到波。走嗰陣見到門口貼左好多 poster, 原來星期二有 live band, 星期四係 high heels night, 着
平日放工諗住搵個地方飲野 chill下，就上網搵到呢間餐廳。呢度4點至 9 點係 happy hour, 大部份野飲都有平，小食同主菜嗰 d都有 dinner package。咖喱蝦片仲係任添。
小食: 韓式烤魷魚，食落好煙韌，又唔會太硬，聞落唔係太大陣烤魷魚味，反而食落就好香，點埋豉油同 wasabi 幾特別。西班牙蟹肉薯波，拮落去係爆餡嘅，仲係即叫即整熱辣辣。
主菜 : 豚肉蕃茄乾忌廉汁意粉，平時食忌廉汁意粉最驚凍左會一舊舊，呢度嚟到仲出緊煙，蕃茄乾好出味，蕃茄同忌廉汁嘅味好夾。千島醬海鮮 pizza, 個 pizza皮烤得好脆，仲落左好多千島醬。
飲品 : Green Desert, 好香青蘋果味，飲落仲有少少抹茶香。Purple Diamond, 黑莓味同酒嘅比例都啱啱好，女仔飲都好易入口。
呢度牆上面嘅霓虹燈同塗鴉都係打卡位，仲有得篤波同玩 beer pong, 今晚就見到有人嚟開 party, 好有氣氛。另外，牆上面掛左差唔多 10部大電視，無論坐邊都睇到波。走嗰陣見到門口貼左好多 poster, 原來星期二有 live band, 星期四係 high heels night, 着高踭鞋送兩杯野飲。下次會約 fd有 event嗰陣上嚟玩下。
Post
