Video
Read full review
2021-12-04
57 views
️同一個又玩得又食得嘅人去居酒屋真係好啱，日式居酒屋氣氛下，飲咗酒，講嘢大聲少少都冇咁覺🤣食物同酒水都好多選擇，座位都舒服，我哋坐咗好耐(真係好耐)都冇趕我哋走🤣清酒生蠔，$28一隻食生蠔🦪食得多，不過佢呢度會俾埋杯清酒你，你叫幾隻佢就俾幾杯，我哋食完一隻飲一杯，不過原來係要將啲清酒倒落生蠔到浸一陣嘅，錯晒🤣不過生蠔就咁食都好味😆串燒拼盤，$138睇中張相嘅串燒拼盤，有8串咁多，兩個人食真係有啲多，不過最後我哋完全冇浪費食物😆我覺得最好味係豚肉包大蔥，金菇牛肉都夠味，雞皮我就冇試啦，不過聽到朋友咬嘅聲，應該好脆。和牛石燒，150g $218我哋驚太滯，要咗150g，事實證明兩個人食真係有啲多，最後我食咗兩塊，和牛好厚切，店員幫我哋燒到5成熟，自己落少少鹽就食得，不過我覺得下次可以再生啲，應該會更好。雞肉丸子拼盤，$85呢個拼盤好豐富，勁抵食，我哋一人唔知食咗幾多粒🤣當中有四款丸子，包括好特別嘅紫蘇雞肉丸子，同埋流心芝士丸子。呢個拼盤真係好適合送酒飲。highball，$48-58 我哋每人飲咗四杯highball，飲到好飽，檸檬味、梅干味都唔會好甜，酒味亦唔會太勁，不過飲多咗都會win
同一個又玩得又食得嘅人去居酒屋真係好啱，日式居酒屋氣氛下，飲咗酒，講嘢大聲少少都冇咁覺🤣食物同酒水都好多選擇，座位都舒服，我哋坐咗好耐(真係好耐)都冇趕我哋走🤣
清酒生蠔，$28一隻
食生蠔🦪食得多，不過佢呢度會俾埋杯清酒你，你叫幾隻佢就俾幾杯，我哋食完一隻飲一杯，不過原來係要將啲清酒倒落生蠔到浸一陣嘅，錯晒🤣不過生蠔就咁食都好味😆
串燒拼盤，$138
睇中張相嘅串燒拼盤，有8串咁多，兩個人食真係有啲多，不過最後我哋完全冇浪費食物😆我覺得最好味係豚肉包大蔥，金菇牛肉都夠味，雞皮我就冇試啦，不過聽到朋友咬嘅聲，應該好脆。
和牛石燒，150g $218
我哋驚太滯，要咗150g，事實證明兩個人食真係有啲多，最後我食咗兩塊，和牛好厚切，店員幫我哋燒到5成熟，自己落少少鹽就食得，不過我覺得下次可以再生啲，應該會更好。
雞肉丸子拼盤，$85
呢個拼盤好豐富，勁抵食，我哋一人唔知食咗幾多粒🤣當中有四款丸子，包括好特別嘅紫蘇雞肉丸子，同埋流心芝士丸子。呢個拼盤真係好適合送酒飲。
highball，$48-58
我哋每人飲咗四杯highball，飲到好飽，檸檬味、梅干味都唔會好甜，酒味亦唔會太勁，不過飲多咗都會win win哋。如果鍾意甜少少，可以揀乳酸味同埋好得意嘅幻彩味(有盞燈係入面)。
另外我見仲有好多款清酒，下次去會直接叫枝清酒，飲完應該冇咁飽😆好開心嘅一晚😌😌
Post
