Video
Read full review
2016-09-12
3054 views
今日，難得同埋同事一齊喺尖沙咀收工，而且仲係 Happy Hour 時間，同事話不如去飲番杯，輕鬆一下，提議確實唔錯，行過棉登徑嘅 Quaver House，見倒個圓拱形嘅門面，格局時尚又有型，我哋望望吓就行咗入去，裡面樓底好高，空間十足。
一坐低，就點咗我最鍾意嘅 Mojito，杯裡面放滿薄荷葉，見倒都心涼，尤其依家日日天氣仲好熱，飲落口真係好涼爽。朋友叫咗 Strawberry Fruit Ale，放喺枱面嘅時候，已經聞到好香甜嘅士多啤梨味，配埋個好靚嘅酒杯，真係好吸引，又香又甜又有酒味，口感好滑溜，朋友話超級好飲，相信唔單止能夠討得女士歡心，可能連男士亦難以抵擋佢嗰份 Sweet，攪到我都想叫番枝飲吓。
飲酒梗係要叫D小食送酒，叫咗個小食併盤，份量好有睇頭，有又香又脆又辣辣地嘅雞翼，好惹味。炸得好薄嘅粟米片，好香口，一D都唔油，當然點埋D秘製醬汁，就更加好味啦！仲有好大圈嘅洋蔥圈，面頭有一層好薄嘅脆漿，裡面嘅洋蔥好厚身，味道好爽甜又 Juicy，同事大讃。而我最鐘意係粗薯條，新鮮即炸，點埋茄醬一齊食，真係好好味。
另外，仲點咗磨菇乾火腿薄餅，個餅底好薄，餡料有酸酸甜甜嘅蕃茄醬同芝
今日，難得同埋同事一齊喺尖沙咀收工，而且仲係 Happy Hour 時間，同事話不如去飲番杯，輕鬆一下，提議確實唔錯，行過棉登徑嘅 Quaver House，見倒個圓拱形嘅門面，格局時尚又有型，我哋望望吓就行咗入去，裡面樓底好高，空間十足。
一坐低，就點咗我最鍾意嘅 Mojito，杯裡面放滿薄荷葉，見倒都心涼，尤其依家日日天氣仲好熱，飲落口真係好涼爽。
朋友叫咗 Strawberry Fruit Ale，放喺枱面嘅時候，已經聞到好香甜嘅士多啤梨味，配埋個好靚嘅酒杯，真係好吸引，又香又甜又有酒味，口感好滑溜，朋友話超級好飲，相信唔單止能夠討得女士歡心，可能連男士亦難以抵擋佢嗰份 Sweet，攪到我都想叫番枝飲吓。
飲酒梗係要叫D小食送酒，叫咗個小食併盤，份量好有睇頭，有又香又脆又辣辣地嘅雞翼，好惹味。炸得好薄嘅粟米片，好香口，一D都唔油，當然點埋D秘製醬汁，就更加好味啦！仲有好大圈嘅洋蔥圈，面頭有一層好薄嘅脆漿，裡面嘅洋蔥好厚身，味道好爽甜又 Juicy，同事大讃。而我最鐘意係粗薯條，新鮮即炸，點埋茄醬一齊食，真係好好味。
另外，仲點咗磨菇乾火腿薄餅，個餅底好薄，餡料有酸酸甜甜嘅蕃茄醬同芝士，仲有磨菇同埋鹹香嘅風乾火腿，我超鍾意佢薄薄嘅餅底，相當脆口，兩個人食，份量啱啱好。
差唔多7點，同事話要趕下場，所以埋單走人，每人都係二百幾，其實都好抵食。
Post
