Gochi (Closed)

Gochi係大叔的愛嘅取景點，但熱潮好似已經過咗，所以人唔多。餐廳坐得舒服闊落，氣氛有情調，燈光昏暗，有背景音樂，少浪漫，好適合情侶。*野菌煙肉薄餅 $198薄餅鋪滿切片大啡菇，底下鋪滿拉絲mozzarella芝士同意大利煙肉，鹹鹹香香，整體味道融合。薄餅邊有微微嘅焦脆，唔會焗到過乾，但未夠麵粉香。牛肝菌豬頰肉意大利粉$158意大利粉雖然唔係手工意粉，煙韌度恰到好處。醬汁係濃厚嘅白汁，帶有豬頰肉油脂香，配上各種野菌同牛肝菌，味道濃郁，但醬汁食到最後太過杰。