Gastrobox by Okapi Cafe (Closed)

之前訂左枱，下午有個女仔打黎firm booking...態度幾好。到達餐廳，一枱客都無，好靜。唔知道系天氣問題定地區問題？因為之前經過尖沙咀分店都Full。餐廳都有一人套餐同二人套餐選擇。套餐唔太合適，所以散叫。之後職員推介白酒忌廉煮青口，佢話好多人食，之後就聽佢意見試下。首先講講龍蝦湯...味道唔太好。又淡又有輕微酸味...同其他餐廳對比，我印象龍蝦湯好似無酸味跟住到（職員推介）白酒忌廉煮青口--味道幾好，好香。 男朋友都話好味，本人都覺得幾好，如果可以再濃味少少就更加好。之前到安格斯肉眼&龍蝦汁帶子天使麵--安格斯肉眼口感味道都好👍龍蝦汁帶子天使麵個汁有少少淡唔夠濃味，帶子煎得好香，總括都幾好。