Video
Read full review
2024-02-19
85 views
我地上左上層，坐得好舒服，環境佈置都好靚！French Fries With Truftle Mayo薯條熱辣辣上碟，真係做到外脆內軟，加埋經典松露醬，一流！Shrimp Paste Chicken Lollipop🍤蝦醬味好特別，甜甜地，因為係啱啱炸起，裏面幼嫩雞肉保持熱度，特別好味。炸雞槌唔會太大件，食左都唔會好有罪疚感，又唔會食到飽曬食唔到其他嘢。Truffle Mushroom RisottoRisotto唔會煮得過熟，有嚼口，裏面好多芝士，每一羮都拉絲，好正！Amadai Fish with Orange Fennel Salad魚背上面脆脆嘅，口感好特別！加埋檸檬汁，同埋有脆脆嘅茴香鮮橙沙律，好清新！Grill Iberico Pork Rack w/ Roasted Veg豬扒煮熟程度拿得好準，質感超腍，仲好Juicy好多肉汁，有驚喜！仲要好體貼切埋一塊塊。加埋伴菜，睇得又食得，非常推薦👍我地叫左兩款pancake，份量好慷慨，啱曬有第二個甜品胃嘅我地😆-Lemon Earl Grey Pancake上面有啲脆脆質感，Earl Grey味好出！-Chocolate &
French Fries With Truftle Mayo
薯條熱辣辣上碟，真係做到外脆內軟，加埋經典松露醬，一流！
Shrimp Paste Chicken Lollipop
🍤
蝦醬味好特別，甜甜地，因為係啱啱炸起，裏面幼嫩雞肉保持熱度，特別好味。炸雞槌唔會太大件，食左都唔會好有罪疚感，又唔會食到飽曬食唔到其他嘢。
Truffle Mushroom Risotto
Risotto
唔會煮得過熟，有嚼口，裏面好多芝士，每一羮都拉絲，好正！
Amadai Fish with Orange Fennel Salad
魚背上面脆脆嘅，口感好特別！加埋檸檬汁，同埋有脆脆嘅茴香鮮橙沙律，好清新！
Grill Iberico Pork Rack w/ Roasted Veg
豬扒煮熟程度拿得好準，質感超腍，仲好Juicy好多肉汁，有驚喜！仲要好體貼切埋一塊塊。加埋伴菜，睇得又食得，非常推薦👍
我地叫左兩款pancake，份量好慷慨，啱曬有第二個甜品胃嘅我地😆
-Lemon Earl Grey Pancake
上面有啲脆脆質感，Earl Grey味好出！
-Chocolate & Banana Pancake
真係有一片片香蕉喺面，香蕉同朱古力唔知點解就係特別夾。另外附上嘅朱古力醬可以按個人鍾意嘅甜度決定加幾多。
另外我地叫左4杯飲品，店員好有耐心，我地又問佢推介飲乜，又問長問短，都好有耐性解釋！
Cocktail -The Hidden Coconut
椰青水加真露，好創新，口感清爽，易入口！
Cocktail -HH Oolong - Chi
果香重，加埋烏龍茶香，唔會過甜。
Grand French Coffee
店員推介！好睇得，又特別。上層Cream中和咖啡同酒苦味，但又帶出兩者香味。正！
Sesame & Charcoal Latte (Hot)
飲到鮮奶，又飲到好多芝麻，鍾意健康要飲呢杯，而且係來自台灣嘅芝麻木炭組合，好特別。
總括嚟講，非常高質有氣氛，價位合理，絕對推介！
Post
