Video
Read full review
2017-08-25
215 views
打風日前，當然約埋三五知己到酒吧飲酒吹水，行到旺角就見到呢間新開既手工啤酒酒吧，見到氣氛唔錯，就膽粗粗同班fd咁入去試下。一入到去，就見到個吧檯入面幅牆，鋪滿哂斟手工啤酒既輸酒管，好吸引人既目光。一坐低，侍應就好好咁過黎介紹下邊隻酒啱飲，餐牌入面有成16隻手工生啤+10幾隻罐裝手工啤款式夠多，啱哂唔同人口味，最後經過一連串既推介，都係簡左個入門既啤酒set，感覺較fruity，有三杯手工啤都幾抵飲，第一次黎ma三隻手工啤包括有16號同香港酒廠合作既lady guava，7號黎自英國既the pale armadillo，同埋4號都係黎自英國既stay puff波打酒。一開始由淡飲到入濃，16號開始，餐單寫住係石榴味，飲落去就飲到有好香既果味，少少既石榴味，更多既係麥香，個aftertaste甜甜地，好易入口。之後到7號，呢隻比起16號，果味更重，好香既柑橘味，飲落口之後有種回甘既味道，三種入面最好飲係呢隻，可能係個人鐘意重果味既啤酒。最後到4號，呢隻黑啤幾有特色，一入落口有種威化餅既味道，飲飲下就有少少既棉花糖甜味，不過呢兩隻味都俾苦澀味包住，個after taste有種黑朱古力既苦，
一入到去，就見到個吧檯入面幅牆，鋪滿哂斟手工啤酒既輸酒管，好吸引人既目光。一坐低，侍應就好好咁過黎介紹下邊隻酒啱飲，餐牌入面有成16隻手工生啤+10幾隻罐裝手工啤款式夠多，啱哂唔同人口味，最後經過一連串既推介，都係簡左個入門既啤酒set，感覺較
fruity，有三杯手工啤都幾抵飲，第一次黎ma
三隻手工啤包括有16號同香港酒廠合作既lady guava，7號黎自英國既the pale armadillo，同埋4號都係黎自英國既stay puff波打酒。
一開始由淡飲到入濃，16號開始，餐單寫住係石榴味，飲落去就飲到有好香既果味，少少既石榴味，更多既係麥香，個aftertaste甜甜地，好易入口。
之後到7號，呢隻比起16號，果味更重，好香既柑橘味，飲落口之後有種回甘既味道，三種入面最好飲係呢隻，可能係個人鐘意重果味既啤酒。
最後到4號，呢隻黑啤幾有特色，一入落口有種威化餅既味道，飲飲下就有少少既棉花糖甜味，不過呢兩隻味都俾苦澀味包住，個after taste有種黑朱古力既苦，我自己就麻麻地，如果有人鐘意苦既手工啤，呢隻應該幾啱心水。
三隻酒都幾好飲，下似會考慮試下advanced set
最後當然要搵野食送下酒，就叫左個煙燻豬肋骨。 呢個豬肋骨真係好好食，表面鋪滿調味粉，搽得好均勻，冇任何一個位漏
出面既豬肋骨可能煙燻唔好既話就會有陣苦味，但係呢間酒吧整出黎完全無苦味，只有淡淡既煙燻味，食落去甜甜地，肉質又腍又多汁，十分推介唯一既缺點就係分量太少，不過好彩就有即炸薯角補救
食完飯， 最好就係，同三五好友一齊黎飲酒食宵夜，呢到一定滿足到唔同人既要求
Post
