Video
Read full review
2021-12-31
1818 views
同家人親戚一行八人去咗太平館餐廳慶祝Boxing Day。一踏入餐廳，就有一個去咗第二個國度同穿越時空嘅感覺，餐廳設計由天花到地氈都好懷舊，牆上掛有舊香港嘅相片，真叫人懷緬過去。環境氣氛都一流，座位闊落，坐得好舒適，家人都好鍾意。我哋點咗餐廳大部分嘅經典名菜：瑞士雞翼、干炒牛河、烚鹹牛脷、燒豬髀、焗葡國雞飯、焗梳乎厘，另外仲有捲筒石斑同大蝦多士配沙律。蝦多士：不過不失。炸得好酥脆，但無乜蝦味，亦無乜多士味。瑞士雞翼：瑞士汁一流，甜甜的，好濃郁，好開胃，佢加咗麻油令味道更香口。但我覺得雞翼口感可做得更好，雞皮唔彈牙，肉好淋，但亦係欠彈力同嫩滑。另外，啲雞翼未夠入味，佢只係層皮有瑞士汁味，肉則沒有。但個汁真係出色嘅，食到舔舔脷！干炒牛河：我全晚最欣賞嘅菜式。炒得好香，食落去唔油膩，鹹甜當中帶有淡淡嘅燶味，牛肉好嫩好滑好彈牙，河粉亦炒得剛剛好，晶瑩通透，有彈力。無得彈！烚鹹牛脷：見到碟餸，本身有啲擔心，擔心淨係得鹽水，牛脷會唔會好酥。點知一食有驚喜，牛脷好香，即使係厚切亦唔會硬，煮得好淋好嫩亦彈牙，口感一流，味道唔錯。燒豬髀：，汁好香甜，顏色同味道都好似瑞士汁，肉好薄身好嫩，吸晒啲汁嘅精華，
我哋點咗餐廳大部分嘅經典名菜：瑞士雞翼、干炒牛河、烚鹹牛脷、燒豬髀、焗葡國雞飯、焗梳乎厘，另外仲有捲筒石斑同大蝦多士配沙律。
蝦多士：不過不失。炸得好酥脆，但無乜蝦味，亦無乜多士味。
蝦多士配沙律
41 views
0 likes
0 comments
瑞士雞翼：瑞士汁一流，甜甜的，好濃郁，好開胃，佢加咗麻油令味道更香口。但我覺得雞翼口感可做得更好，雞皮唔彈牙，肉好淋，但亦係欠彈力同嫩滑。另外，啲雞翼未夠入味，佢只係層皮有瑞士汁味，肉則沒有。但個汁真係出色嘅，食到舔舔脷！
瑞士雞翼
57 views
0 likes
0 comments
干炒牛河：我全晚最欣賞嘅菜式。炒得好香，食落去唔油膩，鹹甜當中帶有淡淡嘅燶味，牛肉好嫩好滑好彈牙，河粉亦炒得剛剛好，晶瑩通透，有彈力。無得彈！
干炒牛河
54 views
0 likes
0 comments
烚鹹牛脷：見到碟餸，本身有啲擔心，擔心淨係得鹽水，牛脷會唔會好酥。點知一食有驚喜，牛脷好香，即使係厚切亦唔會硬，煮得好淋好嫩亦彈牙，口感一流，味道唔錯。
烚鹹牛脷
91 views
0 likes
0 comments
燒豬髀：，汁好香甜，顏色同味道都好似瑞士汁，肉好薄身好嫩，吸晒啲汁嘅精華，好食！
燒豬髀
58 views
0 likes
0 comments
焗葡國雞飯：唔錯！無食到啲飯，淨係食咗件雞，葡汁好香好惹味，雞味好香，肉質好嫩好滑好彈牙。
葡國雞飯
83 views
0 likes
0 comments
捲筒石斑：哩個餸就真係有啲失望。炸得有點硬，唔係好食到魚或魚味，無啖啖肉嘅感覺，捲筒入面好似夾住塊火腿，亦係無咩味。個汁，我都無咩印象。
捲筒石斑
60 views
0 likes
0 comments
焗梳乎厘：全晚焦點！個梳乎厘人頭咁大，一上枱我哋都忍唔住嘩嘩聲，瘋狂影相！味道唔錯，好香嘅蛋白味同甜味，裡面軟綿綿的，入口即溶，好食！
焗梳乎厘
88 views
0 likes
0 comments
另外，我亦好想讚哩度嘅服務，大部分嘅侍應都有返咁上下年紀，但佢哋真係好專業好有經驗，服務殷勤周到，好細心同好有活力，手腳亦好靈活敏捷。我感受到佢哋好鍾意自己份工，亦對自己份工感到自豪。十個讚！多謝你哋！
Post
