港畔餐廳

Open Now

Now Closed

重裝後的麗晶酒店港畔餐廳，預訂了約2個月終於試到啦，樓底高座位闊落感覺好放鬆。約6點入座，落地玻璃天然光好舒服，望向對面海好靚。而食物區方面個設計都好簡單，一字排開，主要分3部份，冷盤，熱葷及最後面嘅甜品區。冷盤區方面我幾鐘意嘅刺身有拖羅，油甘魚同三文魚籽，另外麵包蟹，風乾火腿同芝都唔錯。龍蝦新鮮，簡簡單單，蒸熟後，有客黎再淥一淥整熱就好正啦，另外咖喱羊及海鮮千層麵，仲有花膠鮑魚都妏得好入味，花雕南瓜浸鴨肝同出面嘅好唔同，花鵰浸滲鴨肝再加上南瓜汁好夾同時解膩。燒羊架同西冷都非常高‘’汁”，牛有牛味，羊有羊味。但甜品就不太是我們杯茶，因為朱古力款為多，再加上份量較大同味道較濃，有點heavy，不過樣子係吸引嘅。留意雪糕有八款咁多，仲要係自家制味道，值得讚！出面嘅街燈同室內柔和嘅燈光令個氣氛都好chill 好浪漫！個人覺得只係靠食物我個人覺得唔值得這價位，但加上環境氣氛及服務，係可以一試，尤其係一些週年慶祝節日，港畔係一間坐得舒服，可以慢條斯理咁去食嘅自助餐。