深夜食堂 (Closed)

餐廳有室內同室外區，不過落大雨，所以我地就坐左室內。室內燈光柔和，以木制桌椅爲主，有k pop 做背景音樂。蒜片牛柳粒用左兩種蒜，一種係蒜片，另一種係炸蒜粒。兩種混在一起好特別，有炸蒜獨有既香味同蒜片既香脆。牛柳粒煮得剛剛好，每粒都有肉汁流出黎，好有牛味！芝士野菌玉子燒店內的招牌食物之一，玉子好厚身，有口感有層次，充滿蛋香，一切開就有豐富既芝士流出黎。除左有流心芝士同玉子既香甜外，仲有野菌既惹味！豚肉配黑松露鵝肝石鍋飯累松露既份量非常多，鵝肝煎到好香好惹味。用匙羹將鵝肝切成小塊，再將所有食材撈埋，石鍋的熱力令飯有微笑焦香，而且熱力令到個飯入口冇咁油膩。鵝肝既油脂令成個飯充滿油香，黑松露同野菌十分惹味！燒秋葵秋葵配上大量木魚絲，味道好配合。秋葵燒得剛剛好，入面仲好多汁。