組長日式放題 (Closed)

好少食放題既我因為同好耐冇見既朋友gathering，於是去了京都廣場揀一間放題食，呢間放題睇落幾多野食同價錢都幾抵，所以就決定去試下食。嘢食方面好多種選擇，我試咗十幾樣野都好好食，全部都係新鮮即製，好加分！刺身：有三文魚、油甘魚、鯛魚、帶子、馬刀貝等十種刺身，全部都非常之新鮮，等別係三文魚，色澤靚又甜，仲要好大塊！燒香草羊架：食放題一定要有嘅item，呢度嘅羊架羶味夠重，加咗孜然粉之後更加好食，我足足食咗四件！燒菠蘿：呢度嘅燒物有得揀燒菠蘿，係肉類之餘嘅另一選擇，燒得啱啱好， keep到菠蘿本身嘅多汁同甜味之餘，仲有少少焦香嘅味道！芝士年糕：年糕好彈牙，芝士味道又好濃，加埋表面薄薄既一層脆表面，真係做到外脆內軟嘅效果！就咁就食咗一餐好食又幾抵既晚餐，另外一提侍應嘅服務真係幾好，好開心。