Video
Read full review
2023-08-11
476 views
一入座已經俾個vibe 吸引好似去返歐洲旅行時食既啤酒屋咁枱枱都好開心 熱血沸騰亦都有好多人黎慶生 店員會圍住唱生日歌《招牌忌廉青口 配薯條及蛋黃醬》難怪係呢到名品 一打開蓋已經勁香每一隻青口都係勁肥美 脹卜卜 比坊間其他店個d大隻好多 而且好乾淨好新鮮忌廉汁入面加入左番茄、白酒、蒜蓉、洋蔥、小蔥烹調味道非常濃郁 味道鮮美我直頭成塊麵包浸落湯 好似海綿咁🧽索哂d湯 好鬼正明明有蛋黃醬點薯條我都無點 又係用左黎點湯大大推介俾大家!! 💯 《喇沙味青口 配薯條及蛋黃醬》係比利時菜食到喇沙湯底 成件事好fusion以椰奶、白酒、香茅、青檸葉喇沙咖喱汁烹調散發出濃厚既香料香氣 特別係香茅每一隻青口都充滿住喇沙湯 酸酸味味好醒胃同樣地 青口隻隻都好鬼大隻 好新鮮《三文魚他他》以新鮮三文魚為主角 唔會切醉濕濕爛哂反而係切成整齊小丁 保持彈牙爽口 鮮甜油香搭配黃瓜、香蔥、紅蔥頭、酸瓜、薑、青檸 清新酸爽 仲有黃辣椒醬 帶黎一絲辣味刺激《大蝦雞尾酒🦐🍸》唔好睇佢細細杯 有四隻大虎蝦隻隻都鮮嫩多汁 爽口彈牙下層係舖滿飛魚子既奶油生菜加入瑪麗玫瑰醬作為伴醬 帶少少辣風味《比利時窩夫》巨大蛋白山既賣相 非常
一入座已經俾個vibe 吸引
好似去返歐洲旅行時食既啤酒屋咁
枱枱都好開心 熱血沸騰
亦都有好多人黎慶生 店員會圍住唱生日歌
《招牌忌廉青口 配薯條及蛋黃醬》
難怪係呢到名品 一打開蓋已經勁香
每一隻青口都係勁肥美 脹卜卜
比坊間其他店個d大隻好多 而且好乾淨好新鮮
忌廉汁入面加入左番茄、白酒、蒜蓉、洋蔥、小蔥烹調
味道非常濃郁 味道鮮美
我直頭成塊麵包浸落湯 好似海綿咁🧽索哂d湯 好鬼正
明明有蛋黃醬點薯條我都無點 又係用左黎點湯
大大推介俾大家!! 💯
《喇沙味青口 配薯條及蛋黃醬》
係比利時菜食到喇沙湯底 成件事好fusion
以椰奶、白酒、香茅、青檸葉喇沙咖喱汁烹調
散發出濃厚既香料香氣 特別係香茅
每一隻青口都充滿住喇沙湯 酸酸味味好醒胃
同樣地 青口隻隻都好鬼大隻 好新鮮
《三文魚他他》
以新鮮三文魚為主角 唔會切醉濕濕爛哂
反而係切成整齊小丁 保持彈牙爽口 鮮甜油香
搭配黃瓜、香蔥、紅蔥頭、酸瓜、薑、青檸 清新酸爽
仲有黃辣椒醬 帶黎一絲辣味刺激
《大蝦雞尾酒🦐🍸》
唔好睇佢細細杯 有四隻大虎蝦
隻隻都鮮嫩多汁 爽口彈牙
下層係舖滿飛魚子既奶油生菜
加入瑪麗玫瑰醬作為伴醬 帶少少辣風味
《比利時窩夫》
巨大蛋白山既賣相 非常ig-able
眼見差唔多枱枱都有叫
以自家製窩夫作為基底🧇
中間有雲呢拿雪糕🍨同朱古力雪糕
外層軟係糖霜蛋白再火炙過
食落有啲似綿花糖 夾埋香脆既窩夫食好多層次
.
Cocktails
- Lucky Peach🍑
- Tropical Mojito🌴
- Duke of Berry
- Sun of a Gun
Post
