The Right Place (寶勒巷)

Open Now

Now Closed

今日約咗成班舊同學去食嘢慶祝年尾，揀咗間有得飲酒又有live Band嘅餐廳。一坐低未齊人，幾個前菜食住等🤔蟹肉沙律，黑松露薯條同埋釀魷魚。前菜嘅蟹肉份量唔少同幾新鮮，薯條嘅份量非常多，上面佈滿左巴馬臣芝士。最鍾意嘅係魷魚，燒得好嫩，入邊仲釀左啲蝦滑，好鮮味。張枱有啲細，所以我哋食完啲前菜先每人叫左一杯嘢飲🤗 呢度啲飲品全部都好有特色🤪叫咗杯tofu pudding, 造型成個豆腐花咁我就叫左my cup of tea, 呢杯幾抵飲，茶壺裝嘅係一杯熱嘅調酒，另外一杯就係凍嘅gin based 調酒, 兩杯味道都香甜，好啱女仔飲。至於主菜方面，叫咗德國豬手，同埋豬鞍😛豬手好香口，切好晒，好啱一大班人share。另外個豬鞍，叫咗七成熟，一切開粉嫩嘅顏色，好juicy, 火候控制得唔錯。最後叫咗兩個甜品食，推薦呢個香蕉酥皮，香蕉份量好多，加埋香脆嘅酥皮，味道唔會太甜又唔溜，幾好。