Shine (Closed)

又到十二月聖誕節喇，周圍都有聖誕裝飾，濃厚嘅聖誕氣氛，令人特別想食餐好嘅😂今日黎到呢間shine，一入門口裝修同氣氛就已經另人好似去左啲外國小酒吧咁，好舒服，好放鬆👍野食方面蕃茄水牛芝士本來諗住呢個前菜會無咩特別，但估唔到個黑醋汁又幾特別，加左紅酒入去煮，所以會食都好淡的紅酒味👍好開胃黃金手工蟹波配菠蘿酸忌廉蟹波炸到金黃色，而且超級大粒。一切開，一絲絲嘅蟹肉塞滿左成粒蟹波，好足料👍因為蟹波味道唔太濃，所以配左個酸忌廉，一d都無搶左蟹嘅鮮味👍黑松露大啡菇意大利飯好香黑松露嘅味道，大啡菇好香好juice，仲加左好多菇係個飯度，所以飯嘅口感好豐富，我自己略嫌有一點就係唔係好夠creamy喇，因為自己比較鍾意creamy口感，不過男朋友就鍾意呢個無咁滯。脆炸德國咸豬手配蜜糖芥末醬豬手嘅皮炸得好脆，好香口。但我自己略嫌咸左少少，不過配啤酒真係一流😍😍蜜糖芥末醬嘅芥末味都幾重，但岩岩可以解左豬手嘅油膩感，唔錯。不過有個小小意見係，豬手真好大份，兩個人嘅話要慎選😂Peach yogurt 淡淡嘅蜜桃味，質感好濃厚，最重要嘅係唔會死甜，可以飲到yogurt嘅原味👍