Video
Read full review
2024-06-04
1747 views
留港消費支持小店的情況下，在網上看到KOL大力推介，由於Happy Friday 客滿，要列入後備名單，直到當個星期二才確實到星期五，冇所謂啦！一班為食貓想試新嘢嘛！一行七人相約近期人氣小店，真係食到一肚氣訂枱滿坐情況下，被安排坐樓下，迫住坐細長枱。螳螂式情況開餐，如果是吃碟頭飯的話，是沒有問題，可是大大碟的餸菜和一大鍋燉湯速到，結果倒瀉湯，朋友即時彈起，筆者迫到拎住個袋，都不能立即起身，剛巧隔離枱，又有食客倒瀉滾水，那種混亂情況下，加上他們無禮的態度，真是大開眼界。人齊即開餐，八分鐘內一次過上晒七個餸，包括一鍋燉湯，要求拖住，因為真係食唔切，店員不客氣的回應話: 點解唔預早通知，要一個一個餸上。由於訂枱，有些菜式需要我們一早預訂，包括:黑松露蝦多士:7 件~$220避風塘鮮魷~$138蜜椒脆鱔球~$178秘製新加坡酸辣蝦~$158原隻菠蘿咕嚕肉~$248爵士燉湯6人分量~$498招牌芝麻雞一隻~$368甜品:家鄉炸米糍7粒 ~$103食店門口，大大個招牌寫著”喜滿樓菜館”, 用膳完之後，才明白原來樓上才是菜館，樓下只是茶餐廳。爵士湯$498(六人分量)~如果作為燉湯，比較清淡。原隻菠
留港消費支持小店的情況下，在網上看到KOL大力推介，由於Happy Friday 客滿，要列入後備名單，
直到當個星期二才確實到星期五，冇所謂啦！一班為食貓想試新嘢嘛！一行七人相約近期人氣小店，真係食到一肚氣
訂枱滿坐情況下，被安排坐樓下，迫住坐細長枱。
螳螂式情況開餐，如果是吃碟頭飯的話，是沒有問題，可是大大碟的餸菜和一大鍋燉湯速到，結果倒瀉湯，朋友即時彈起，筆者迫到拎住個袋，都不能立即起身，剛巧隔離枱，又有食客倒瀉滾水，那種混亂情況下，加上他們無禮的態度，真是大開眼界。
人齊即開餐，八分鐘內一次過上晒七個餸，包括一鍋燉湯，要求拖住，因為真係食唔切，店員不客氣的回應話: 點解唔預早通知，要一個一個餸上。
由於訂枱，有些菜式需要我們一早預訂，包括:
黑松露蝦多士:7 件~$220
避風塘鮮魷~$138
蜜椒脆鱔球~$178
秘製新加坡酸辣蝦~$158
原隻菠蘿咕嚕肉~$248
爵士燉湯6人分量~$498
招牌芝麻雞一隻~$368
甜品:
家鄉炸米糍7粒 ~$103
食店門口，大大個招牌寫著”喜滿樓菜館”, 用膳完之後，才明白原來樓上才是菜館，樓下只是茶餐廳。
爵士湯$498(六人分量)~
如果作為燉湯，比較清淡。
爵士燉湯(六人分量)
$498
25 views
0 likes
0 comments
原隻菠蘿咕嚕肉~$248
其實無需要點原隻菠蘿，眼見隔離枱冇原隻菠蘿，只是普通版本的咕嚕肉，根本分別不大，反正原隻菠蘿外殼是不會吃，況且上碟之後，店員又很快會替你換回細碟，拎走菠蘿殼，所以無需整隻菠蘿上也可，至於肉質方面比較結實，筆者略嫌唔夠肥，欠缺咕嚕肉的特色。
原隻菠蘿咕嚕肉
$248
10 views
1 likes
0 comments
蜜椒脆鱔球~$178
未算乾身，鱔球質地唔夠脆，但味道還可以的。
蜜汁脆鱔
$178
27 views
1 likes
0 comments
秘製新加坡酸辣蝦~$158
其實是茄汁洋蔥蝦，蝦未算彈牙，蝦頭腍且削身，這碟大家都有點失望，都吃淨很多。
秘製新加坡酸辣蝦
$158
16 views
0 likes
0 comments
黑松露蝦多士:7 件~$220
味道和外型都像酒樓的炸蟹鉗，只是多了點點黑松露，反而看不到那塊多士，因為被蝦膠包著炸，筆者個人認為叫黑松露炸蝦餅會較為合適。
黑松露蝦多士7件
$220
50 views
0 likes
0 comments
避風塘鮮魷~$138
太多椒鹽，濃味者喜。
避風塘鮮魷
$138
39 views
0 likes
0 comments
招牌芝麻雞一隻~$368
芝麻雞皮做得出色，雞皮很脆，皮脆但肉嚡，筆者覺得肉質未夠嫩滑，甚至有點嚡身，以這個價錢來說不便宜。
原隻芝麻雞
$368
88 views
0 likes
0 comments
家鄉炸米糍7粒 ~$103
最後我們已嬲到忘記要吃甜品，係埋單嘅時候，食店叫住我哋，訂咗甜品未食，於是又坐返入去匆匆忙忙吃完便走。
後來在樓梯發現，原來用現成包裝湯圓炸出來的糯米糍，有芝麻及花生湯圓味。
家鄉炸米糍七粒
$103
76 views
0 likes
0 comments
後記:
筆者訂了以上懷舊菜式，真心估唔到會在八分鐘內送到,(因為食店內剛剛有一個時鐘對住筆者，所以時間記得很清楚),除咗甜品他們係會後上，可能是我之前講咗拖住⋯⋯
由於在訂枱時已問食店，是否免開瓶，有冇食飯時間限制，他們回覆是沒有，問好細節才訂枱的，所以估不到有如此待遇⋯⋯
其實明白香港地租金貴，要分時段用膳，但起碼晚餐都有一個半至兩個鐘用膳時間吖！
所以如果太多人，建議千萬勿坐樓下，太迫，樓下只適合四人用膳。
在離開前，大家要上洗手間，於是到樓上才發現，原來樓上有四至五張圓枱。
相信大伙兒坐樓上才會感到菜館的感覺。
一向都很少對食店有劣評，但今次真的氣難平⋯⋯
Post
