Three Dice Kitchen (Closed)

喺銅鑼灣食完晚飯之後，朋友話有人推介去食一間特色嘅甜品，又唔係雪糕又唔係蛋糕，系一件好似啫喱嘅物體。我真係完全摸不着頭腦，都唔知佢講緊乜，但係佢就話呢個甜品比起好多甜品店都要平，同埋更加特別，今次就唯有聽佢講同佢一齊食。去到一個都比較偏僻嘅位置，發現有好多人企喺度食嘢，主要都係食分子料理，不過我哋食飽飽就叫個甜品薄荷朱古力＄35裏面除咗有一個水信玄餅之外，仲有分子薄荷魚子醬、黃金朱古力醬水信玄餅有超級晶瑩通透的外表，完全係信透明色，真係超級靚，而且表面又滑，好容易跣來跣去，正！坳落去有少少似啫喱，不過更加爽口同埋有少少天然嘅甜味，表皮好似特別有彈性。隔離嘅分子薄荷魚子醬其實就係好似魚子醬質感嘅薄荷粒粒，一咬就爛，味道都幾天然，唔係太化學，再加埋勁香濃嘅朱古力，層次真係好豐富，不過原來卡路里好低，食咗一件唔會好飽但係就滿足左口感同埋甜品胃。