皇后飯店

Open Now

Now Closed

以前我係又一城間 queen’s cafe 嘅常客，今次特意去到南區試呢間重新開業嘅 queen’s cafe。明顯比以前又一城嗰間細咗好多，門面同裝修就幾好，服務同衛生滿意，星期日夜晚入座一半都冇。我同另一半各人叫咗一客晚市套餐，我就叫咗西冷牛扒，我嘅另一半就叫咗牛柳配鵝肝，兩者都7成熟。另有麵包同經典羅宋湯。羅宋湯可謂 queen’s cafe 嘅經典，水準得到保持，但d麵包好硬，難以下咽。西冷牛扒我覺得唔錯，同以前水準持平，但個牛柳好厚，好老又乾，小d牙力都唔得，有d令人失望。兩個人最後接近800蚊埋單，希望餐廳可以正視水準下滑嘅問題，唔好敗壞咗 queen’s cafe 嘅聲譽。