墾丁茶房 (Closed)

老婆鍾意食台灣菜，未能夠帶佢去台灣旅行，惟有帶佢食台灣菜～呢2年晚市套餐不斷加價，而且款式又小咗，有時想食嘅套餐冇就散叫抵D，反正老婆唔飲湯，又飲唔晒一杯嘢飲，次次都要幫佢飲埋不如慳返D錢好過啦！招牌套餐仲要冇咗老婆鍾意嘅珍珠奶茶，惟有揀個晚市精選套餐餐湯超級油嘅合掌瓜，老婆見到已經唔肯飲，作為湯怪我梗係唔理油定湯倒晒落肚啦～老婆鍾意食炒飯，所以單點咗個海苔肉鬆海鮮炒飯，配料幾多，肉鬆鬆脆套餐叫咗醬爆芥蘭鮮魷牛肉配白飯，牛肉韌咗小小，芥蘭又生咗小小，但味道唔錯珍珠奶茶嘅珍珠就完全唔掂，中間硬硬的好似唔熟定唔知點咁，作為台式食肆如果珍珠奶茶都做唔好都幾失敗～