茶墨 (Closed)

同男朋友食完晚飯之後行the one，經過手搖飲品店，口痕買左兩杯黎飲，仲買多球Gelato添。我未買之前都知道茶墨主打水墨畫風既手搖飲品，但一直都無機會飲，今次興緻所致，買左兩杯，一人一杯。因為第一次飲，所以梗係買佢主打既飲品黎飲啦。我地叫左麻糬芝麻烏龍鮮奶茶同紫薯鐵觀音沙冰。兩杯都整到好似一幅水墨畫既感覺，好利害。麻糬芝麻烏龍鮮奶茶以黑色為主調，最似水墨畫。麻糬口感煙煙韌韌，好似小丸子，加上黑芝麻，就似係芝麻小湯圓甘。紫薯鐵觀音沙冰叫左無糖，沙冰口感係一粒粒既，有咬口，十分消暑。我地仲追加左$28買一球Low-fat Gelato黎食，貪佢低脂無甘肥。佢有好多款口味提供，我揀左茉莉花茶味。茶味濃厚，推薦。