茶墨 (Closed)

嚟親The ONE我多數都係放工去做Facial，所以次次都好衝忙。今次終於約咗喺閒日做，所以唔使咁急趕，做完仲可以去「茶墨」慢慢坐低嘆杯茶✌🏻。其實我想幫襯好耐，皆因好想試佢嘅水墨風飲品😍。小店面積細細，半開放式嘅店舖設計，座位唔多，我同朋友等咗陣先等到企位。如果係堂食嘅客人，當買完飲品後就會獲發咇咇機。呢度嘅飲品款式幾有自家特式，例如水墨風茶飲、雪糕奶昔、焦糖芝士奶蓋、冰搖茶等，價錢偏貴，最平嗰杯都要$29，不過勝在大大杯，有成500ml至600ml🥤。除咗飲品外，佢仲有賣蛋糕同低脂意式雪糕🍨。店員好好人，不斷叫我哋可以試咗味先買。紫薯鐵觀音沙冰($39)，飲品真係做到水墨風格☯️，正如小店所述，達至<杯中茶·心中墨>嘅境界。沙冰味道幾特別，雖然飲品無心目中咁紫色💜，但紫薯味相當濃郁，濃得嚟又唔會太假。沙冰口感唔止有好多冰碎，仲有一種「沙」嘅感覺。整體亦唔會太甜，幾值得試。焦糖芝士玫瑰茉莉花茶($35)，店員介紹先用飲品蓋個洞飲，之後再用飲管攪勻飲。呢度嘅芝士奶蓋富有焦糖味，但仍然比預期中鹹🧀，而味道亦比較重，攪匀後會蓋過茶味🍵。清香柚子芝士蛋糕(單價$34/飲品追加