無肉食 (堡壘街) (Closed)

其實叫得自己做自助餐既都應該要有齊幾個原素─有沙律﹝或前菜﹞；有冷盤及熱盤主菜；湯品及飲品；同埋甜品部分咁先夠圓滿。有肉食就滿足到呢幾個範疇！頭盤部分，有啲涼伴既青瓜及其他的涼伴蔬菜。我好鐘意涼拌沙葛，比其他蔬菜來得出色！因為選材非常新鮮，唔需要多加調味就已經好好食啦。之外仲有腐皮卷同埋鮮果沙律。腐皮卷獲得一致好評，腐皮豆香非常重，炸得香脆而不油膩，內餡豐富可口。鮮果沙律賣相精緻，能引起相當的食欲。主菜則比較遜色，來來去去都係煮菜、炒菜、炒粉麵。其實建議可以做返啲唔同國家既風味小菜，如日本田樂茄子、意式千層麵、泰式冬陰公等等，令菜式豐富一啲。湯品方面非常清甜，但味道較淡，建議可加啲鹽。至於甜品力推芝士撻，細細個唔濟胃之餘仰冇酸味，熱食果陣真係誇啦啦。