Video
Read full review
2023-04-25
559 views
北角水星街最近開咗間台灣食店 ，因為前兩手食店都做得唔好 ， 有啲陰影， 所以一直都冇試到呢一間新店。 今日因為落雨， 諗住將就啲試下啦，一試之下， 發現新大陸， 驚喜不斷 ，原來錯過咗好味又實惠嘅小店。 印像中台灣食店嘅小食都係好的骰， 細細份，於是我哋就隨便點咗幾個小食， 點知份量係遠多過我哋預期， 又叫咗兩個主食套餐，一個係滷肉飯定食，一個係蕃茄燒豬頸肉拉面。等食物時，環顧四周 ，餐廳裝修純樸自然 ，牆上嘅畫作除咗介紹特色食物， 仲標明絕對冇味精 ，畫風有啲懷舊， 睇落舒服溫馨， 有家的感覺 。第一個小食： 豆腐皮蛋 ，一大塊豆腐， 四塊皮蛋，仲有好多木魚碎， 加上醬汁蔥花， 一個清新好味嘅小食， 吸睛又誘惑。第二個小食， 涼拌小黃瓜 🥒🥒，脆脆嘅黃瓜， 經過醃製 ，少少酸甜 ，食落非常開胃清新， 係必點嘅小食， 見到旁邊好多枱都有。第三個小食， 鹽酥雞 ，🐔🐔雞塊炸得香脆， 入面啲肉仲係好juicy， 醃得夠入味 ，越食越想食， 停唔到口 ，雖然係小食， 分量一啲都唔少， 抵食。食完小食 ，就到主食， 滷肉飯定食， 內容好豐富 ，滷得好好味嘅肉塊， 肥少瘦多， 鋪喺飯面 ，配菜
9 views
0 likes
0 comments
印像中台灣食店嘅小食都係好的骰， 細細份，於是我哋就隨便點咗幾個小食， 點知份量係遠多過我哋預期， 又叫咗兩個主食套餐，一個係滷肉飯定食，一個係蕃茄燒豬頸肉拉面。
等食物時，環顧四周 ，餐廳裝修純樸自然 ，牆上嘅畫作除咗介紹特色食物， 仲標明絕對冇味精 ，畫風有啲懷舊， 睇落舒服溫馨， 有家的感覺 。
第一個小食： 豆腐皮蛋 ，一大塊豆腐， 四塊皮蛋，仲有好多木魚碎， 加上醬汁蔥花， 一個清新好味嘅小食， 吸睛又誘惑。
第二個小食， 涼拌小黃瓜 🥒🥒，脆脆嘅黃瓜， 經過醃製 ，少少酸甜 ，食落非常開胃清新， 係必點嘅小食， 見到旁邊好多枱都有。
第三個小食， 鹽酥雞 ，🐔🐔雞塊炸得香脆， 入面啲肉仲係好juicy， 醃得夠入味 ，越食越想食， 停唔到口 ，雖然係小食， 分量一啲都唔少， 抵食。
食完小食 ，就到主食， 滷肉飯定食， 內容好豐富 ，滷得好好味嘅肉塊， 肥少瘦多， 鋪喺飯面 ，配菜有一個超好味嘅滷水蛋， 台灣香腸， 椰菜 ，芽菜， 醃蘿蔔 ，做到葷素搭配， 健康好味 ，分量充足 ，再大食嘅人都應該足夠。
蕃茄湯燒豬頸肉拉麵， 又係一個有份量嘅套餐 ，一大碟燒得甘香嘅豬頸肉， 一碗滿佈蕃茄嘅蕃茄湯拉麵 ，食落麵香煙韌， 蕃茄濃湯開胃， 豬頸肉係多汁美味， 唔會乾唔會柴， 比期望中更加好食。
真係食得好開心好滿足 ，最後更加要讚套餐附送嘅飲品 ，我哋叫咗古早味奶茶同埋胚芽奶茶 ，兩杯都好大杯好熱， 濃香嘅奶茶 ，唔係好甜， 特別係胚芽奶茶 ，眾所周知胚牙有人體需要嘅維他命b ，非常有益健康 ，仲要好好味添 。
真係估唔到一間橫街小店， 可以提供更高質素嘅食物 ，而且價錢實惠 ，性價比高 ，真係造福街坊。
問下老闆點解叫六兩三 ，原來六兩三係指每份主食嘅重量 ，劃一均等 ，保證有足夠嘅份量，真係童叟無欺 ，真誠待客。
Post
