手作之店

Open Now

Now Closed

炎炎夏日，喺附近將軍澳郊區經過一番攀山涉水後終於返到新都城商場，當然要食返啲甜品慰藉心靈。咁啱經過手作之店，亦都諗起童年回憶之一嘅豆腐雪糕，當然要一試睇下水準仲能唔能夠一如以往地好。水豆腐、阿華田、牛乳麥芽阿華田味比起以往有點失色，唔知係咪製作問題，竟然有少少咖啡味出現，阿華田味未夠濃郁。反而牛乳麥芽係令人一試難忘，其實同各大超級市場買到嘅阿華田白色裝味道相近，亦有啲似好立克嘅感覺，如果一般麥芽飲品愛好者係必定要試嘅味道。市場上亦未有太多店鋪能夠做到味道同呢兩隻飲品咁相近嘅口味。而水豆腐味則一如以往地清新，唔會太甜太膩，反而淡淡豆乳味可以一解暑氣！份量而言，大球裝亦都唔差，一人一球其實已經足夠。