Video
Read full review
2011-06-23
21 views
講幾句題外話先，因為工作關係，經常會去各區餐廳食飯，但又冇認真諗過要寫下食評咁...突然有日好無聊係咁睇OPENRICE，唔知受左D咩刺激，突然好想的定心肝寫下，同大家分享下，所以(講左咁耐都唔關事..呢個"所以"只係下台階，文字上冇實際轉折作用=,=)，寫今次係我第一次寫食評，首先講句多多指教~好!入正題!今次食呢間金裝燉奶佬，其實都冇咩特別原因，純粹因為今日3號風球，落雨濕濕，想搵個坐得舒服D而又唔係好貴既地方食晚飯。7點幾入到去，冇咩人，光猛，乾淨。睇下餐牌，都幾多選擇，而且唔係D干炒牛河個D茶餐廳例牌野。價錢，40至60蚊左右，唔係平，但係銅鑼灣，差唔多啦。貪得意叫左個芝士豬扒天使麵配茄蓉，其實我都唔知佢個名係咪咁叫...因為個名好長......即係個豬扒裡面有芝士個種呢~佢一上，就見到D芝士係豬扒面流緊出黎，相當吸引。不過一切開個下，我忍唔住講左聲:「車...」裡面芝士唔多，雖然唔係可能因為切之前太大期望，所以有D失望。但老實講，都算係咁啦，比K-11某間有芝士豬扒既餐廳，都係差唔多。天使麵都OK。個汁呢，都冇"蓉"既，明明個名叫「茄蓉」架wor...唔係唔好食，只係令人希望
講幾句題外話先，因為工作關係，經常會去各區餐廳食飯，但又冇認真諗過要寫下食評咁...突然有日好無聊係咁睇OPENRICE，唔知受左D咩刺激，突然好想的定心肝寫下，同大家分享下，所以(講左咁耐都唔關事..呢個"所以"只係下台階，文字上冇實際轉折作用=,=)，寫今次係我第一次寫食評，首先講句多多指教~
好!入正題!今次食呢間金裝燉奶佬，其實都冇咩特別原因，純粹因為今日3號風球，落雨濕濕，想搵個坐得舒服D而又唔係好貴既地方食晚飯。
7點幾入到去，冇咩人，光猛，乾淨。睇下餐牌，都幾多選擇，而且唔係D干炒牛河個D茶餐廳例牌野。價錢，40至60蚊左右，唔係平，但係銅鑼灣，差唔多啦。
貪得意叫左個芝士豬扒天使麵配茄蓉，其實我都唔知佢個名係咪咁叫...因為個名好長......
即係個豬扒裡面有芝士個種呢~佢一上，就見到D芝士係豬扒面流緊出黎，相當吸引。不過一切開個下，我忍唔住講左聲:「車...」
裡面芝士唔多，雖然唔係可能因為切之前太大期望，所以有D失望。但老實講，都算係咁啦，比K-11某間有芝士豬扒既餐廳，都係差唔多。
天使麵都OK。個汁呢，都冇"蓉"既，明明個名叫「茄蓉」架wor...唔係唔好食，只係令人希望愈大，失望愈大者….因為我係蕃茄愛好者來的!!!
另外朋友食的明蝦球拼斑球飯，d汁個樣好開胃，賣相唔錯，味道ok，同咕嚕肉差唔多。不過份量略少，如果係男孩子既話，應該唔係好夠食。
華田火山，佢改到個名咁勁，唔係唔試下呀麻~不過跟飯都要加$6，唔…對我呢d窮苦學生黎講，有少少，少少貴啦。
好，咁個華田火山到底好唔好飲呢?都係個句，ok啦。只不過係有堆粉係面，有d口感咁，脆脆地， 但冇想像之中咁甜。有gimmick既的確。題外話，我落order要華田火山既時候，個侍應妹妹話:「華田火山要加錢6蚊架wor。」我話ok，跟住佢又問我要凍定熱，我心諗，熱既話d粉一落水咪即刻溶?但我多口問多句:「咁凍係咪要再加錢?」佢傻下傻下咁話係，仲同我講凍既話要加9蚊。我又心諗，雖然你咁講到就要熱架啦，反正平d錢。轉個頭，阿妹妹返黎講唔好意思，原來華田火山只有凍的，所以亦冇加9蚊呢回事。
其實個妹妹都好有禮貌，不過前後仲出左幾次錯，如果遇著個惡d既就慘lu。
Post
