Video
Read full review
2012-08-22
159 views
不嬲都耐唔耐就黎食下譚仔，但沙田呢間店個湯底真係次次都唔同，有時小辣都辣到食唔倒，有時酸辣完全唔酸，食清湯個味算係最無變啦。是日成班人食，叫左一人一碗米線再加左鷄亦，皮蛋，同白肉。冬菇魚腐酸辣米線，味道偏淡，而且啲配菜越來越少，腐竹得返兩片，韮菜芽菜少左，魚腐三塊，冬菇四片，米線份量都少左。成本上涱所以咁？食完都唔飽……鷄亦三小隻要廿幾蚊，真係幾貴，好味好香口，又真係好難唔叫黎食，今餐唯一一樣唔辣嘅野。尖椒皮蛋，雖然好多紅油浸住，但係又唔算辣喎，上面啲切碎左嘅辣椒同芫茜好好味，連皮蛋一齊食哂。蒜泥白肉，又係紅油浸住，上面層蒜頭好香，食哂不過之後個口陣蒜蓉味真係久久唔散，慎叫。其實白肉本來就係用肥豬肉整，都唔明點解啲人要叫但又揀哂啲肥嘅部份出黎，見佢地食得真辛苦。加埋一人一杯凍飲，埋單要五十蚊個人。
是日成班人食，叫左一人一碗米線再加左鷄亦，皮蛋，同白肉。
冬菇魚腐酸辣米線，味道偏淡，而且啲配菜越來越少，腐竹得返兩片，韮菜芽菜少左，魚腐三塊，冬菇四片，米線份量都少左。成本上涱所以咁？食完都唔飽……
鷄亦三小隻要廿幾蚊，真係幾貴，好味好香口，又真係好難唔叫黎食，今餐唯一一樣唔辣嘅野。尖椒皮蛋，雖然好多紅油浸住，但係又唔算辣喎，上面啲切碎左嘅辣椒同芫茜好好味，連皮蛋一齊食哂。
蒜泥白肉，又係紅油浸住，上面層蒜頭好香，食哂不過之後個口陣蒜蓉味真係久久唔散，慎叫。其實白肉本來就係用肥豬肉整，都唔明點解啲人要叫但又揀哂啲肥嘅部份出黎，見佢地食得真辛苦。
加埋一人一杯凍飲，埋單要五十蚊個人。
Post
