鳴虎 (新城市廣場三期) (Under Renovation)

香港日式拉麵店林立，而呢間《鳴虎》原來都有好多分店。呢晚過嚟沙田分店試試。店舖位於一田超市內，座位唔多，呢日係星期六晚都多算多人。如果唔怕熱其實都可以坐戶外區，嗰度會多D座位。今次叫咗3款小食1款拉麵❇️龍蝦沙律 $38龍蝦啖啖肉，亦帶點鮮味，可以配埋紫菜卷住食❇️肉餃子 $38有5隻，外皮略嫌厚咗D，勝在入面饀料肉質厚實，每隻都脹卜卜❇️胡麻菠菜 $38菠菜爽脆，胡麻醬汁香濃❇️鳴海老拉麵 (蝦味噌豬骨湯拉麵) $88湯底加入北海道鮮蝦及櫻花蝦粉熬製，飲落去有好香濃鮮蝦味，但又唔會死咸。麵質偏向較為幼身，口感彈牙叉燒夠淋夠入味，配埋糖心蛋、木耳絲同紫菜，整體味道都不錯！😋