瀛 ‧ 日式料理 (Closed)

今晚想食日本野，搜尋到呢間似乎都唔錯就過去試下，原來都幾難搵，係大坑村隔離既路有個牌行入去先見到一排茶記，右邊最入果間最唔起眼先係瀛，唔怪得老闆設計左的士優惠，搭的士入去可以回贈$30😂晚市有3款套餐，唔想諗就揀左套餐，好似有$248（梅）、$288（松）、$328（竹），梅大致上唔同就係有牛仔骨、雞翼同稻庭烏冬，松既分別係有串燒同拉麵，而竹就有刺身、天婦羅同鰻魚炒飯。套餐都係有前菜、沙律、麵豉湯同雪糕，其實3款選擇都好難揀，最後決定要刺身就揀左竹。餐具用得幾精緻，店內地方唔算好大但坐得幾舒適，一邊係4人檯。前菜係紅色既醃青瓜，即刻從雪櫃拎出黎夠曬衛生，清茶真係熱辣辣refill得好頻密，見到待應時不時全場加茶，服務好主動！👍🏻首先係日本蕃茄沙律，超多塊蕃茄好爽口，生菜夠新鮮，醬汁酸酸地但唔多，所以成個沙律清清地。跟住刺身有三文魚、帆立貝同甜蝦各三片，全部都中規中矩正常大小，新鮮夠凍，可惜三文魚魚味同脂肪唔夠，三文魚香同甜蝦味都偏淡，而帆立貝應該係一粒初開2-3片，似乎有少少慳家...什錦天婦羅就唔錯，啱啱炸起，炸蝦有2隻，有少少特別既係有炸紫薯同炸迷你青椒，炸粉唔錯幾薄身，唔太油夠香