雲南桂林過橋米線

Open Now

Now Closed

好耐冇出旺角，突然之間想食熱拌紅薯粉。今次揀咗腩肉蘿蔔冬菇熱拌紅薯粉。每一樣配料都做得好好，腩肉甘香入味、蘿蔔清甜冇渣；冬菇，看似平平無奇，但好多米線舖都做得好求其，就咁烚熟就算。但呢間嘅冬菇好厚身，咬落啖啖肉，最重要係炆得非常入味（應該係用豉油/蠔油炆）真係好有驚喜！簡單嘅食材，愈做得出色，就愈見到佢哋嘅用心。個熱拌汁都好惹味，完全呈現到香麻辣嘅特色。成碗紅薯粉份量好足👍🏻👍🏻另外叫咗個涼拌青瓜，青瓜係清爽嘅，味道就不過不失啦！下次想試金湯系列😄今日出旺角見到好多餐廳都執咗，搵食艱難，覺得要多啲分享用心製作食物嘅餐廳！！！