武士拉麵 (Closed)

早幾日係觀塘打波，打波前就梗係要食小小野啦，牛頭角地鐵站出黎行一陣就見到依間拉面店，決定就同波友食依間做晚餐。 我諗店主都應該幾鍾意日本戰國時代，因為睇完餐牌令我諗起之前玩既太閣立志傳。雖然我係玩開豐臣秀吉既，但係我都係比較鍾意食黑蒜油拉面(足利將軍拉面)，我朋友就揀左香蔥油拉面(豐臣將軍拉面)。 我碗拉面湯底濃，叉燒燒到岩岩好同偏瘦，有半隻半熟蛋，因為面質我揀普通既關係，口感剛好，不太硬又不太軟。我朋友叫個碗豐臣將軍拉面雖然我無食過，但一黎已經充滿蔥油香味，下次可以試下。 之後再加兩個小食，我叫左餃子，我朋友就叫左蜜糖芥末雞翼。餃子就不過不失，反而蜜糖芥末雞翼有驚喜，雞翼本身已經煎到好香口，加左蜜糖芥末量岩岩岩好，甜甜地無咁熱氣之餘，又有小小辣辣地感覺，值得一試。