Video
Read full review
2016-07-16
8790 views
話說小妹喺觀塘做嘢，務求試儘觀塘嘅特色美食。呢期就集中喺東廣場入面，試完日式，台式再試漢堡包，今次就試下上次試過早餐嘅coffee art.見上次早餐不錯，今次叫埋幾個同事一齊嚟試下拒嘅午餐，果然無令我失望，每樣嘢都係水準之作。午餐有幾個選擇，一人叫左一份午餐，前菜可以選沙津或者綠茶多士半件。我就想試下個多士，好特別，諗起綠茶通常只係會覺得苦苦地，如何將苦味加入多士到呢？食出嚟又會如何？答案係，多士係甜甜地的，淡淡嘅甜味入面有綠茶嘅香味，但又無左拒嘅苦味，非常夾，值得一試。沙津就係配胡麻醬的，好難唔好食，哈哈。細細杯裝喺玻璃杯入面。到主菜我選左，牛肝菌意大利雲吞--必食之選。拒用左忌廉汁做底，還有小小芝士味，濃度岩岩好，仲加左小小洋蔥粒吊下個味，好正。雲吞函應該係肉加埋d牛肝菌一齊，嗅落無咩味，食落就好香，口感頗軟身的。但係味道真係好特別，好正！唯一一樣我就係覺得個皮偏厚左小小，如果可以薄番小小，直頭係完美！另外同事都點了幾款不同的意大利粉，有兩款值得推介一下。温泉蛋肉醬長通粉--温泉蛋全流心，篤穿嚟食撈埋個長通粉食好正，長通粉係煙煙韌韌類型。肉醬更食到有蕃茄粒粒，除了有蕃茄味外還好有
見上次早餐不錯，今次叫埋幾個同事一齊嚟試下拒嘅午餐，果然無令我失望，每樣嘢都係水準之作。
午餐有幾個選擇，一人叫左一份午餐，前菜可以選沙津或者綠茶多士半件。我就想試下個多士，好特別，諗起綠茶通常只係會覺得苦苦地，如何將苦味加入多士到呢？食出嚟又會如何？答案係，多士係甜甜地的，淡淡嘅甜味入面有綠茶嘅香味，但又無左拒嘅苦味，非常夾，值得一試。
沙津就係配胡麻醬的，好難唔好食，哈哈。細細杯裝喺玻璃杯入面。到主菜我選左，牛肝菌意大利雲吞--必食之選。拒用左忌廉汁做底，還有小小芝士味，濃度岩岩好，仲加左小小洋蔥粒吊下個味，好正。雲吞函應該係肉加埋d牛肝菌一齊，嗅落無咩味，食落就好香，口感頗軟身的。但係味道真係好特別，好正！唯一一樣我就係覺得個皮偏厚左小小，如果可以薄番小小，直頭係完美！
另外同事都點了幾款不同的意大利粉，有兩款值得推介一下。温泉蛋肉醬長通粉--温泉蛋全流心，篤穿嚟食撈埋個長通粉食好正，長通粉係煙煙韌韌類型。肉醬更食到有蕃茄粒粒，除了有蕃茄味外還好有口感。
黑松露雜菌長通粉--黑松露超香，食落口味道都好濃。長通粉本身已有汁做底，加埋黑松露有錦上添花嘅感覺。另加20蚊可以加三隻柚子雞翼或泰式蝦餅，我今次加了雞翼。雞翼係先炸后再加柚子果醬。端出來熱辣辣更是即炸的，入面的肉質鮮美，仲好嫩滑，絕對值得一試。
早餐試過一次已經好有水凖，午餐今次試過都超正，証明餐廳有一定的質素，而且價錢非常合理，50多元起就有一個套餐，大家不妨試試。
Post
