PizzaExpress (Closed)

已經好耐無食pizza express，仲要難得一班同事一齊食！先一晚網上book定枱，留枱10分鐘，不過我打錯email，彈出黎msg叫我改到我返轉頭改番再submit，個系統唔知點解要cancel個位先，接駁去餐店，職員都好快幫手check 同confirm，有record都安心啲多人食可以食得多啲，散叫左好多好嘢食！上菜速度算快，叫完10分鐘後開始陸續上菜。雞翼點醬好好味，香草意粉好夠味同香口，麵包點醬幾特別！叫左蜜糖雞、海鮮同辣肉腸pizza，我個人好喜歡蜜糖雞，雞肉做得好入味；海鮮我本人就普通，係個餅底做得簿啲，幾脆；焗磨菇估唔到咁juicy，一叉落去啲汁湧哂出黎，而且好好味！我覺得越多人食越抵，可以食多幾款，我地8個人剛剛好，每樣都食到小小。