明師傅甜品 (Closed)

朋友本打算去松記食糖水，我又知道明師傅搬左過嚟，於是松記咁多人就轉戰明師傅。企左喺門口睇左陣menu，d員工勁有禮貌咁招呼我地我地得兩個人，但佢好客氣咁俾左張四人枱我地之後，愈嚟愈多人等位，搞到勁唔好意思隔離張二人枱走，諗住轉枱俾返張四人枱出嚟但d員工完全冇意思要我地轉，好好人呀！講返甜品先menu樣樣都好吸引呀！最後，朋友揀左「地獄球場」，我果個就唔記得左名喇哈哈哈我揀果個就係一個完隻椰皇裝住什果、西米、椰果、雪糕，另外仲有杯椰皇水添！朋友果個係椰汁、涼粉、西米，仲有個朱古力雪糕添先講朋友果個，佢話d椰汁令佢好滿足，令個甜品好香好滑而且個椰汁唔會太稀，食落感覺唔會太水涼粉唔太甜，好岩一般人既胃口我果個真係入面滿滿好多什果：木瓜、菠蘿、火龍果etc仲有西米同椰果呀！口感好夾，只係有木瓜好似怪怪咁（可能我個人唔鐘意木瓜）d生果都好清甜，做飯後甜品簡直一流！雪糕係cookies n' cream，我最愛既雪糕口味呀雪糕唔會話雪得太耐，成件事好夾哈哈哈食飽再飲埋杯椰皇水，個口既甜味清曬唔會覺得甜椰椰想飲水員工話椰皇水清熱氣呀，岩曬我如果大杯啲就更加好喇！整體嚟講，明師傅真係水準好高價錢好大眾