Fame Deli

Open Now

Now Closed

番工附近呢間西餐長期多人，今日醒起想食西餐於是就嚟踫運氣排下隊！一行六人等左15分鐘左右就入左去了！記得呢到啲扒同意粉都唔錯，因為上次已經食過豬扒同白酒蜆肉意粉，所以今次試下個紫蘇烤雞扒！套餐包左一杯野飲，餐湯/沙律，主菜，甜品可以簡雪糕/雪米糍/木糠布甸，相當抵食！等左一陣主菜就嚟，雞扒勁大塊，幾乎鋪滿隻碟，雞扒肉質唔算嫩滑，但絕對唔柴，味道調得唔錯但我唔係好食到紫蘇味。雖然佢話烤雞扒但似半煎炸咁，如果真係用烤應該好食點。