順記潮州飯店 (Closed)

好久沒來.....跟老友記打完波，又响龍城揾嘢食。老友記係潮州菜fans，自然又係去打冷。真係好耐冇嚟，非常掛住佢哋嘅蠔烙及沙茶牛肉芥蘭...一坐低，馬上先order呢兩樣。再問吓今晚有冇豬頭糉，點知都係冇，好生失望....老友記出去明火檔望一望，叫咗個炸牙帶竹仔魚雙拼，魚炸得夠香亦夠酥，用嚟送酒絕對好過花生薯片...蠔烙依舊煎得好乾身，碟底依舊都係一滴油都冇，蠔仔唔算好大隻，但咬落去，鮮甜嘅汁仍在...牛肉全無經梳打粉洗禮，芥蘭爽到嗦嗦聲，唯獨今次嘅沙茶醬不夠香辣，失色了一些...所謂嘅海參蝦膠煲只係將短過一小截手指尾嘅海參釀入份量少得可憐嘅"肉膠"，之後再打個獻上去，非常之咁揾笨，差，浪費晒個胃嘅quota...總体水準依舊出色...