CoCo壹番屋 (新港中心) (Under Renovation)

約咗朋友去食Coco壹番屋，之前食過覺得唔錯，想睇下質素係咪依然保持水準，加上朋友又想食咖喱又唔係太食得辣。🍛✨今次點咗炸豬排咖喱飯同海鮮咖喱飯，豬排仍然炸得香脆，外層金黃，內裡仲係保持嫩滑，豬肉唔會太乾，但份量感覺偏少。咖喱醬係Coco一貫嘅濃郁風格，略帶甜味，辣度可以自己揀，幾貼心。至於海鮮咖喱飯，配料有蝦🦐、魷魚同青口，味道唔錯，但海鮮嘅新鮮感稍稍欠奉，食落無太大驚喜。另加咗一個炸薯餅，外層炸得香脆，內裡軟糯，幾適合配咖喱一齊食。飲品方面揀咗杯凍綠茶，清新解膩，但口感偏淡，冇特別突出。無食咁耐估唔到佢都穩定無變，味道唔會失準，但如果之前食過，今次再試就可能覺得欠缺新意。價錢合理，但以份量嚟講性價比一般。如果你鐘意日式咖喱，其實都係一個值得一試嘅餐廳，但如果期望有新鮮感或者創意菜色，可能要考慮其他選擇，因為咁多年佢既餐單都係無變過。🍛😊