鮨玥 (Closed)

住東區嘅時侯成日食鮨玥，係一個充滿回憶嘅地方💭 除左性價比高，最重要係有姐最愛嘅左口魚丼！第一次食雞肉刺身都係呢度發生，腸胃勁敏感嘅姐零出事，所以我對鮨玥係有信用同情意結...🫶🏻今次唔係獨食，就不如叫多啲野唔好淨係食丼啦🍱 特大北海道厚岸蠔真係手掌咁長🦪 薄燒牛舌爽口🐂 生燒白鱔煙煙韌韌唔錯🍢 鱈魚干佐酒一流🍺 牛油果軟殼蟹卷還好🦀 本鮪壽司盛有齊大中細拖滿足你三個願望🐟 日本花魚一夜干惹味，平時屋企好少食魚，見到狂食 🤣每次呢度食完飯，都會係soho east同鰂魚涌公園散吓步，望下海玩吓狗，周邊環境真係唔錯🏡 幾年冇嚟，MENU一樣，食物質素overall 都唔錯，但感覺硬係同以前唔同🤔 諗起一句話：一個舊人就算返返嚟，佢都係一個全新嘅人了。