勝記酒家 (Closed)

中秋一家人聚會, 媽咪最中意食乳豬, 我第一時間諗起大半年前去過灣仔兜記食過, 印象唔錯, 於是我就建議家人再去一齊嘆返個Dinner。原來"兜記"改左名做"勝記", menu上稍為更改了, 但馳名乳豬依然保留著。入座後, 待應先送去熱茶+前菜, 經部長推介下揀左幾款菜色試試, 當中不少得乳豬啦~【乾隆醉雞】HK$58平時去上海菜餐廳先會有既醉雞, 呢度都有提供。質素、味道絕不馬虎, 醉雞肉質嫩滑, 而且入味, 有香醇既酒香味, 完全沒有苦澀味。【勝記即燒乳豬】HK$193 (1/4隻)招牌菜既乳豬, 本身擔心轉左名, 質素會唔會有參差, 做左白老鼠試過後, 可以放心。乳豬即叫即燒, 所以order之後要耐心等候, 乳豬皮同肉分開, 中層既脂肪已被去除, 乳豬脆卜卜, 肉質還帶點肉汁, 配上熱辣辣既粉餅夾住一齊食, 減少油膩感。質素同味道沒有落差, 唔錯!!【乾炒牛河】HK$88份量大大碟, 當中既牛肉都幾多, 炒得好有穫氣, 很有火喉!! 整體唔會太油膩~ 【紅燒乳鴿】HK$38/隻乳鴿雖然細隻, 但醃得好入味, 乳鴿預先鹵過再炸, 表面唔會太脆, 一咬之下發現乳鴿好juicy, 唔