山頭火 (iSQUARE國際廣場)

Open Now

Now Closed

天氣太凍喇！心血來潮好想食碗熱辣辣既拉麵，諗左好耐都係穩穩陣陣食番連鎖店，就黎左山頭火食北海道拉麵！環境：呢度都迫迫地，傾計要同隔離枱鬥大聲，不過香港地既餐廳都係咁上下啦。服務：一坐低侍應就好主動遞餐牌同俾水，落單同上餐時態度都好好，抵讚！衛生：呢度既餐具係上餐時一併俾埋既，個人認為咁係衛生d，唔使長期暴露於餐枱上面俾人掂過晒同中口水彈。味道：呢度有得單點拉麵或者叫拉麵set，兩者都可以揀拉麵既size，有大中細揀，我揀左細拉麵配4件壽司既set。先講個拉麵，話晒係日本過江龍就肯定有番咁上下心準保證，鹽味湯底清清地但不失美味係我既至愛，而壽司就fair啦，唔係壽司專門店黎講個帶子算出色，但壽司飯就真係太乾。抵食：120蚊加一呢個價錢黎講算偏貴，但山頭火有水準保證，又可以一次過食埋拉麵同壽司，計番都fair既。