甜品工房 (Closed)

本身食過幾次覺得好味，每次都係食攞獎ge紫葡之戀，但今次食真係好失望!之前睇網上介紹，知道變左出前一丁pop up store，不過估唔到紫葡之戀係跟餐甜品，變左冇得散叫! 但除左紫葡之戀之外，其他都冇乜興趣試，又坐低左... 唯有兩個人share一個啦，諗住再想食先叫款款都係$60，有3種湯底揀，如果已經食左野先黎，可以拎走包麵 (當然係冇叉燒呀個d料啦)，之後去超級市場睇過，包麵係$10，兩扎一包，而堂食個碗目測應該係煮左一扎套餐甜品就得右邊個5款，除左紫葡...其他都比較普通鍾意食紫葡之戀係因為佢可以滿足我樣樣甜野都想食ge願望，想食水果有紅提，想有野咬又有小丸子同琉璃珠，想食雪糕又有雪米糍，口渴又有巨峰刨冰，夏天佢係無敵! 刨冰冇味就有巨峰汁吊味，而小丸子同琉璃珠其實就冇乜味... 所以就加左煉奶! 煉奶同小丸子好夾，就好似奶茶同珍珠咁，一樣冇咩味，另一樣就重味，夾埋就岩岩好! 點知... 身為fans ge我真係好失望... 點整都唔散，不過就算散左都冇味啦...唔知係咪d師傅掛住整熱食，搞到甜品款又少，水準又差左... 唔知幾時先變返原本ge甜品工房