Video
Read full review
2008-03-03
49 views
三個人係銅鑼灣行行行,唔知食咩好,結果去左農圃睇下。當時7:45,企門口的小姐話8:45之前要還檯,老公話ok,就決定入去試下。前菜有兩碟,一碟牛輾一碟涼瓜,牛輾的確好好味,可惜我唔食涼瓜,唔識欣賞。叫左四碟"食送"~古法"米需"米雞翼: 名不虛傳,皮又香又脆,而且好香,食得好開心!東星斑: $328有十兩重,頗嫩,不過條魚勁多細骨....反而蘿蔔仲搶鏡,吸左d 汁勁入味!蒜片炒安格斯牛柳粒: 蒜片炒得幾香,味道唔錯,不過我覺得唔夠嫩囉福建炒飯:我好鍾意食福建炒飯,但今次唔係一個好經歷囉。事緣上菜果陣侍應問需唔需要幫我地分埋~我地就話好~結果佢裝左三碗(酒樓飯碗size) 出黎就話成碟飯已經分哂。當時我呆一呆,心諗:「$120 碟飯得三碗?」,雖然佢碟飯真係可能得咁少份量,不過我地覺得佢可以拎出黎係我地面前分,咁就一目了然。而家......好難唔懷疑佢囉~扣左好多印象分~另外,我向來好憎睇餐牌果陣被打擾,偏偏部長左一句「試唔試下瀨尿蝦」右一句「使唔使叫多個"食送"?」sell 完蝦﹑瀨尿蝦再sell 蟹﹑鵝掌, 真係唔該哂!!
前菜有兩碟,一碟牛輾一碟涼瓜,牛輾的確好好味,可惜我唔食涼瓜,唔識欣賞。
叫左四碟"食送"~
古法"米需"米雞翼: 名不虛傳,皮又香又脆,而且好香,食得好開心!
東星斑: $328有十兩重,頗嫩,不過條魚勁多細骨....反而蘿蔔仲搶鏡,吸左d 汁勁入味!
蒜片炒安格斯牛柳粒: 蒜片炒得幾香,味道唔錯,不過我覺得唔夠嫩囉
福建炒飯:我好鍾意食福建炒飯,但今次唔係一個好經歷囉。事緣上菜果陣侍應問需唔需要幫我地分埋~我地就話好~結果佢裝左三碗(酒樓飯碗size) 出黎就話成碟飯已經分哂。當時我呆一呆,心諗:「$120 碟飯得三碗?」,雖然佢碟飯真係可能得咁少份量,不過我地覺得佢可以拎出黎係我地面前分,咁就一目了然。而家......好難唔懷疑佢囉~扣左好多印象分~
另外,我向來好憎睇餐牌果陣被打擾,偏偏部長左一句「試唔試下瀨尿蝦」右一句「使唔使叫多個"食送"?」sell 完蝦﹑瀨尿蝦再sell 蟹﹑鵝掌, 真係唔該哂!!
Post