聚點坊點心專門店 (Moved) New Location

呢間位於上環蘇杭街嘅聚點坊，長期係外地遊客嘅餐廳之選，以前莫講話食飯時間排長龍由門口排到轉彎，幾乎早午晚都要排隊！但近排幾乎冇咩遊客，見唔使排隊就去試下都唔錯😆今次覺得食物水準真係好參差，春風得意腸、鳳爪排骨飯就同平時一樣咁好食😋腸粉夠薄夠滑，包住嘅春卷真係好脆好新鮮，明顯係即叫即整！排骨肥瘦適中，所以食落夠嫩，鳳爪亦炆得夠淋夠味👍真係每次黎都要叫，但美中不足係今日試到個蝦餃唔太新鮮，失望到連張相都唔記得影🤦🏼‍♀️希望店家會留意到啦！