baby café (Closed)

今日難得去屯門食飯，細妹話想食Baby cafe，對上一次食已經係幾年前，仲係中學生嗰陣，之前都算幾有水準，估唔到而家水準跌咗咁多。。。好失望。。。😞我哋叫咗個二人精選套餐，入面包兩個主菜一個小食。主菜叫咗一個「北海道十勝芝士海鮮意大利飯」同埋「Baby日式咖喱雞扒飯」，兩樣主菜都好差。😟講左個北海道意大利飯先，雖然個名好似好把炮，個Menu仲有隻手指公推介添，但係期望越大失望就越大。💀首先賣相已經好唔吸引，好似一碗白飯配一塊煎魚柳咁！我同我阿妹都唔信呢個係招牌菜，仲特登問多次職員呢個唔通就係傳說中嘅北海道意大利飯？。。職員confirm咗係之後我哋就即刻試吓，個飯一啲味都冇，好似搵啲好淡嘅白汁撈飯咁！😂所講嘅海鮮就係幾粒蟹柳同蒸八爪魚粒。個飯亦一啲芝士味都冇，非常失望好難食！😭個日式咖喱飯一啲咖喱味都冇，唔知自己食緊啲咩汁。。😂唯一好嘅就係啲雞都放得入口。。。啲雞煎得幾香既。😂我哋叫咗個小食係「黑松露炒蛋芝士厚多士」，都唔錯，幾重黑松露味，但啲蛋都係比較淡。😂呢餐食到我同細妹都好激氣，水準竟然跌左咁多，好失望！應該唔會再幫襯Baby cafe!!!😭😭😭