茶一 (Closed)

中午冇人時段路過，叫咗一杯極之簡單嘅凍珍珠奶茶。由落單到我手只係用咗3分鐘時間，未去到街口，杯野啲冰已經溶鬼晒，變成左室溫奶茶。就咁望落杯野，色水已經唔太吸引，行多兩步搵個轉角位篤嚟飲飲啦，室溫唔凍唔熱最難飲，平心而論杯野茶味已經唔夠濃，好淡好淡嗰隻，味道飲落仲有少少怪。咁試下趙幾粒珍珠啦，相關有牙力嘅人，飲多幾口棚牙都要抖抖。佢地啲珍珠Q彈程度，相信可以同能得利橡皮糖媲美。珍珠奶茶我真係飲唔少，呢杯野評分，100分滿分，我相信佢只係得幾分。唔知對面有天仁，見到既話早知比多幾蚊去飲杯凍既913...最後杯野飲左兩啖真係飲唔落，垃圾桶見。相信 肯定無下次