Burgerman (欽州街) (Closed)

今日中午陪朋友去深水埗買嘢，好友突然想食漢堡包，於是我就帶佢到尼間位於高登商場對面嘅水準漢堡包店。餐牌選擇種類多，除咗漢堡仲有意粉，沙律，小食，可以單點或者選擇套餐，套餐有薯條或薯格或沙律同飲品，另外漢堡可以價錢自選配料，配搭種類都幾多。黑松露和牛漢堡，我呢啲黑松露控一定必試，軟熟嘅麵包內裏夾着香煎熬殼飼120日和牛，和牛入口軟熟牛味不算太濃，特級嘅黑松露醬厚厚的鋪喺芝士頂層，黑松露醬香濃得來有着細膩嘅味道，再配上日式芝麻沙律，蘑菇同芝士再加上菜苗減去牛肉嘅油膩感，所有配料都配搭得相當有協調感，百多元就食到優質嘅和牛同黑松露，真係抵食，唔怪得知一講起呢間burger就咁多朋友都大讚。