薈亞廚房 (Closed)

星期六去咗薈亞廚房食晚飯，因為屋企話唔煮飯。薈亞之前都食過，覺得水準都好穩定，今次都要飲杯龍眼冰，我次次去都點，大大杯好好味。越式拼盤有3款小食，春卷好脆點酸甜汁食唔錯，牛油雞翼幾香牛油味，不過都幾油下，食完應該好肥。扎肉我就無食到啦。炭燒豬頸肉大大份，燒得香氣四溢，有少少燶邊，肉質爽口，唔點醬汁都已經好食。泰式肉碎生菜包算係幾辣，炒得夠香，除咗包生菜食之外，亦都係送飯嘅好配菜。亞來咖喱牛腩送飯又係一流，咖喱汁濃郁，香料味唔會太過濃烈，同牛腩好夾。