Video
Read full review
2017-11-02
378 views
因為受傷入左附近醫院，係醫院冇啖好食。一出院放監咁，一定要食返d 令自己開心既野。雖然係平日，但係始終銅鑼灣午飯時間1點半左右，諗住一定要排隊。點知去到都有數張吉枱。職員都好細心，見到我受傷，就算得我同我媽咪2個人都比張4人枱我，仲幫我拉凳。因為2個女人，都食唔到太多野。叫左一咸一甜既野食。叫左煙燻雞肉三文治。呢個三文治好似港式公司三文治咁，個雞肉幾juicy。而且有少少煙燻既微焦味，混和埋少少既蜜糖甜味，中和返雞肉既油膩感。我中意食雞肉，所以先叫呢個三文治，但對於我媽咪黎講個主菜反而係個配菜蛋沙律。佢個蛋沙律既沙律醬份量岩岩好，唔會好濕。蛋白切成細粒，但仍然有咬口，我諗令我媽咪最中意佢既原因應該係個蛋黃整到好夠幼細，令到個蛋黃香出哂黎。 我地仲叫左2杯咖啡，一杯普通既熱latte。味道冇咩特別，對於我呢d 一日最少一咖啡既咖啡精，呢d 咖啡濃度對於我黎講，只算得上係咖啡味特飲。不過賣相都唔錯，都有拉花，配返2塊紅莓乾既曲奇。 第2杯就我既最愛，海鹽焦糖latte。雖然佢冇我平時飲開既口味咁濃，但佢旁邊果d cream 先係精華。侍應哥哥好細心咁介紹點樣去享用呢杯咖啡。飲一啖 配一啖
雖然係平日，但係始終銅鑼灣午飯時間1點半左右，諗住一定要排隊。點知去到都有數張吉枱。職員都好細心，見到我受傷，就算得我同我媽咪2個人都比張4人枱我，仲幫我拉凳。
因為2個女人，都食唔到太多野。叫左一咸一甜既野食。叫左煙燻雞肉三文治。呢個三文治好似港式公司三文治咁，個雞肉幾juicy。而且有少少煙燻既微焦味，混和埋少少既蜜糖甜味，中和返雞肉既油膩感。我中意食雞肉，所以先叫呢個三文治，但對於我媽咪黎講個主菜反而係個配菜蛋沙律。佢個蛋沙律既沙律醬份量岩岩好，唔會好濕。蛋白切成細粒，但仍然有咬口，我諗令我媽咪最中意佢既原因應該係個蛋黃整到好夠幼細，令到個蛋黃香出哂黎。
煙燻雞肉三文治
19 views
0 likes
0 comments
我地仲叫左2杯咖啡，一杯普通既熱latte。味道冇咩特別，對於我呢d 一日最少一咖啡既咖啡精，呢d 咖啡濃度對於我黎講，只算得上係咖啡味特飲。不過賣相都唔錯，都有拉花，配返2塊紅莓乾既曲奇。
熱latte
11 views
0 likes
0 comments
第2杯就我既最愛，海鹽焦糖latte。雖然佢冇我平時飲開既口味咁濃，但佢旁邊果d cream 先係精華。侍應哥哥好細心咁介紹點樣去享用呢杯咖啡。飲一啖 配一啖cream，但就唔建議撈d cream 落去。d cream 上面有dd 海鹽同焦糖醬，海鹽配焦糖呢個組合真係好無敵，好有層次。cream 下面仲有幾粒夏威夷果仁同杏仁。呢杯野我次次黎都會叫！不過今次個拉花就hea 左d。好彩味道搭夠。
海鹽焦糖latte
10 views
0 likes
0 comments
侍應姐姐都好細心，提醒我地可以鬆餅甜品後上。既然都唔趕時間，梗係慢慢食先上甜品。
鬆餅因為後上既關係，果陣都2點後，開始人客少d。鬆餅真係即叫即整，上到黎我仲見到個鬆餅出緊煙。
一如既往咁水準穩定，熱辣辣食邊有可能出事！加埋d 雪糕冰火2重奏，好正。
唯一要彈既係士多啤梨偏細，味道都比較淡。比雪糕同吉士醬搶哂味。
可能一排冇黎，宜家銅鑼灣店仲新加左乾咖喱，新加坡叻沙。搵日再黎試埋其他新野。
草苺鬆餅
14 views
0 likes
0 comments
Post
